Հայաստանի Հանրապետության Կառավարություն

Գործերի կառավարչության գործունեության ոլորտներն ու շրջանակը`

1) իրականացնում է աշխատակազմի աշխատողների նյութատեխնիկական սպասարկումը, այդ թվում՝ ապահովում է տրանսպորտային միջոցների ծառայությունները.

2) կազմակերպում է Վարչապետի աշխատակազմի և կառավարությանը ենթակա տեսչական մարմինների գնումների գործընթացը.

3) վերահսկողություն է իրականացնում աշխատակազմում շինարարական և վերանորոգման աշխատանքների իրականացման նկատմամբ.

4) ապահովում է աշխատակազմի վարչական շենքերի և դրանց հարող տարածքների շահագործումը, բարեկարգումը, ընթացիկ և կապիտալ շինարարությունը.

5) աշխատակազմի ղեկավարի հանձնարարությամբ իրականացնում է աշխատակազմին ենթակա կազմակերպությունների գործունեության վերահսկումը և համակարգումը.

6) «Սպասարկում» և «Կոնդի առանձնատների տնտեսություն» պետական ոչ առևտրային կազմակերպությունների աշխատանքների համակարգման միջոցով իրականացնում է աշխատակազմի ծառայողական և օժանդակ շենքերի, ընդհանուր օգտագործման տարածքների, աշխատասենյակների պահպանման, կապի, էներգամատակարարման, ջրամատակարարման, վերելակային ծառայությունների մատուցման, հակահրդեհային և պահակային ծառայությունների նկատմամբ ինժեներատեխնիկական վերահսկողություն.

7) վերահսկողություն է իրականացնում աշխատակազմին ամրացված կամ օգտագործման հանձնված գույքի պահպանման նկատմամբ.

8) ապահովում է ընթացիկ տարվա ֆինանսական հատկացումների խնայողական oգտագործումը և ապրանքանյութական արժեքների պահպանվածությունը.

9) մշակում է իր գործունեության ոլորտների վերաբերյալ իրավական ակտերի նախագծեր,

10) իրականացնում է primeminister.am, www.gov.am, e-gov.am, eiti.am, gallery.am, ftp.gov.am,
intranet.am, nist.am, mail.gov.am, anticorruption.am, e-payments.am, e-permits.am կայքերի
անխափան աշխատանքի ապահովումը, նշված կայքերում առաջադրված նոր պահանջների
ապահովումը,

11) ապահովում եւ կատարելագործում է աշխատակազմի տեղեկատվական ներքին ցանցերի
և սերվերների աշխատունակությունը,

12) ապահովում է աշխատակազմում, նախարարություններում, կառավարությանը և
վարչապետին ենթակա մարմիններում, մարզպետարաններում գործող էլեկտրոնային
փաստաթղթաշրջանառության համակարգի անխափան աշխատանքը,

13) մշակում է աշխատակազմի կառուցվածքային ստորաբաժանումներին անհրաժեշտ
համակարգչային ծրագրերը,

14) իրականացնում, ապահովում եւ սպասարկում է էլեկտրոնային թվային ստորագրության
հետ կապված աշխատանքները,

15) ապահովում է աշխատակազմի, նախարարությունների, կառավարությանը և
վարչապետին ենթակա մարմինների, մարզպետարանների միջև կոդավորված
տեսահաղորդակցումը,

16) ապահովում է աշխատակազմի համակարգչային տեխնիկայի եւ համապատասխան
ծրագրերի սպասարկման աշխատանքները,

17) սպասարկում է աշխատակազմի և նախարարությունների, կառավարությանը և
վարչապետին ենթակա մարմինների, մարզպետարանների, Հայաստանի Հանրապետության
պետական ռեգիստրի (Երեւանի եւ մարզերի կետեր), Հայաստանի Հանրապետության
սոցիալական ապահովագրության պետական ծառայության (Երևանի և մարզերի կետեր),
Հայաստանի Հանրապետության քաղաքացիական կացության ակտերի գրանցման
գործակալության (Երևանի և մարզերի կետեր) միջև առանձնացված կապուղին: