ուրբաթ, 16 հունիսի 2000
Այսօր վարչապետ Անդրանիկ Մարգարյանն ընդունեց ՀՀ-ում Իրանի Իսլամական Հանրապետության արտակարգ և լիազոր դեսպան Մոհամադ Ֆարհադ Քոլեյնիին:
Վարչապետ Անդրանիկ Մարգարյանն իր մտահոգությունը հայտնեց վերջերս «Զվարթնոց» օդանավակայանում դեսպանի հետ տեղի ունեցած միջադեպի կապակցությամբ: Նշվեց, որ դեպքի մանրամասներն ուսումնասիրելու նպատակով ստեղծված է կառավարական հանձնաժողով: Երկուստեք վստահություն հայտնվեց, որ միջադեպը իր անդրադարձը չի ունենա հայ- իրանական հարաբերություների վրա:
Հանդիպման ընթացքում քննարկվեցին ինչպես երկկողմ այն ծրագրերը, որոնք այժմ իրականացվում են, այնպես էլ հետագա համագործակցության հեռանկարները: Վարչապետի խոսքերով, հայ-իրանական համատեղ գործունեության դաշտը բավական ընդարձակ է և այսուհետ ռազմավարական գործընկեր երկրեների հարաբերություններին պետք է հաղորդվի նոր որակ՝ ներգրավելով նոր գործոններ: Կարևորվեց տրանսպորտի, առևտրի, էներգետիկայի, տնտեսության այլ ոլորտներում համագործակցությունն ավելի կազմակերպված և ընդգրկուն դարձնելու անհրաժեշտությունը: Այս առումով առանձնակի ընդգծվեցին ՀՀ կառավարության կողմից Մեղրու ենթաշրջանում իրականացվող միջոցառումները: Մոհամադ Քոլեյնիին հավաստիացրեց, որ իրանական կողմը պատրաստակամ է ամենայնս աջակցելու այդ ծարգրին: Նա նշեց, որ համատեղ նախագծերին առավել գործնական բնույթ հաղորդելու նպատակով առաջիկայում կսետղծվի միացյալ հանձնախումբ:
Հանդիպման մասնակիցները հայ-իրանական զարգացող հարաբերությունները որակեցին որպես տարածաշրջանում անվտանգության և կայունության ապահովման կարևորագույն գործոններից մեկը:
