ուրբաթ, 23 հունիսի 2000
Այսօր վարչապետ Անդրանիկ Մարգարյանն ընդունեց աշխատանքային այցով Երևան ժամանած Իրանի Իսլամական Հանրապետության ճանապարհների և հաղորդակցության նախարար Հոջջաթի Նաջաֆաբադին և նրան ուղեկցող անձանց:
Նշելով, որ երկու ռազմավարական գործընկեր երկրների տնտեսական կապերն ունեն որոշակի ավանդույթներ, վարչապետ Անդրանիկ Մարգարյանը կարևորեց ընթացիկ ծրագրերի հաջող ընթացքի ապահովումն ու նոր նախագծերի իրականացումը: Մասնավորապես Հայաստան-Իրան տրանսպորտային համագործակցությունը վարչապետը համարեց երկկողմ գործակցության առանցքային ուղղություններից մեկը: ԻՀՀ-ն Հայաստանի համար ապահովում է ելք դեպի Մերձավոր Արևելք, իսկ Իրանը ՀՀ-ի միջոցով հնարավորության ունի դուրս գալու դեպի Ռուսաստան, Արևելյան Եվրոպա: Հաղորդակցության ոլորտում փոխադարձ շահն այսօր թելադրում է ոչ միայն երկկողմ, այլև բազմակողմ գործակցություն: Հոջջաթի Նաջուֆաբադը պատահական չհամարեց այն փաստը, որ Հայաստան է ժամանել Վրաստանից՝ ցամաքային ճանապարհով: Նրա խոսքերով, Հայաստան-Իրան-Հունաստան եռակողմ գործակցությանը զուգահեռ հարկ է աշխատանքներ տանել նաև Իրան-Հայաստան-Վրաստան-Բուլղարիա համագործակցության ուղղությամբ, ինչը հնարավորության կտա տարածաշրջանում ստեղծել տարանցիկ հաղորդակցության մրցունակ ցանց: Վերջինիս կայացման համար կարևորվեց նաև գործարարության համար նպաստավոր դաշտի ստեղծումը, մաքսային ծառայությունների, վարչական այլ մարմինների աշխատանքների կատարելագործումը, ճանապարհների բարեկարգումը:
Վարչապետը նշեց, որ կառավարությունը ոչ միայն հայ-իրանական, այլ— տարածաշրջանային համագործակցության առումով մեծապես կար—որում է Մեղրիի տարածաշրջանի դերը, որն այսօր երկու երկրները կապող միակ տրանսպորտային ուղին է: Կառավարությունում շարունակվում են Մեղրու զարգացմանը վերաբերող ծրագրի քննարկումները — առաջիկայում կհաստատվի տարողունակ փաթեթ, որի մի շարք ծրագրերում ակնկալվում է նա— իրանական կողմի մասնակցությունը:
Հավաստիացնելով, որ իր եկրում մեծապես կարևորում են ՀՀ-ի հետ կապերը, Հոջջաթի Նաջաֆաբադը մասնավորապես նշեց, որ շահագրգռված են Մեղրիի-Քաջարան թունելի շինարարությամբ: Նա վստահեցրեց, որ ֆինանսական միջոցների հայթայթման դեպքում անմիջապես կմասնակցեն թունելի շինարարության աշխատանքներին: Իրանական կողմը շահագրգռված է նաև Հայաստանի ճանապարհները միջազգային չափանիշներին համապատասխանեցնելու խնդրով:
Հանդիպման մասնակիցները կարևորեցին հայ-իրանական համատեղ հանձնաժողովի աշխատանքների առավել ակտիվացումը:
