երկուշաբթի, 1 մարտի 2004
ՀՀ վարչապետ Անդրանիկ Մարգարյանի հանձնարարությամբ մարտի 2-26-ը կառավարության անդամները, կառավարությանն առընթեր մարմինների ղեկավարները, ըստ կազմված ժամանակացույցի, կայցելեն հանրապետության մարզեր, հանդիպումներ կունենան համայնքների բնակչության հետ, տեղերում հանգամանորեն կներկայացնեն կառավարության գործունեությունը, ըստ առանձին ոլորտների իրականացվող քաղաքականությունը, նաև տվյալ մարզի կամ համայնքի համար նախատեսված ծրագրերը:
Վաղը՝ մարտի 2-ին, ՀՀ գյուղատնտեսության, կրթության և գիտության, աշխատանքի և սոցիալական հարցերի նախարարներն ու կառավարությանն առընթեր ջրային տնտեսության պետական կոմիտեի և «Հայռուսգազարդ» ՓԲԸ-ի վարչության նախագահները կայցելեն Կոտայքի մարզ և հանդիպումներ կունենան Գառնի, Գեղաշեն, Զովունի, Քաղսի համայնքների բնակչության հետ, իսկ այցի ավարտին կմասնակցեն մարզխորհդի նիստին:
