ուրբաթ, 16 մայիսի 2014
Վարչապետը շարունակում է շնորհավորական ուղերձներ ստանալ
ՀՀ վարչապետի պաշտոնում նշանակվելու առթիվ շարունակվում են Հովիկ Աբրահամյանին ուղղված շնորհավորանքները տարբեր պետությունների նախագահներից, ԱԺ նախագահներից, վարչապետներից և միջազգային կազմակերպությունների ղեկավարներից:
ՀՀ կառավարության ղեկավարի պաշտոնն ստանձնելու առիթով Հովիկ Աբրահամյանին շնորհավորանքի և բարեմաղթանքի խոսք են հղել Բրազիլիայի Դաշնային Հանրապետության նախագահ Դիլմա Ռուսեֆը, Չեխիայի Հանրապետության վարչապետ Բոհուսլավ Սոբոտկան, Իսպանիայի վարչապետ Մարիանո Ռախոյ Բրեյը, Հունաստանի Հանրապետության վարչապետ Անտոնիս Սամարասը, Բուլղարիայի Հանրապետության վարչապետ Պլամեն Օրեշարսկին, Տաջիկստանի Հանրապետության վարչապետ Կոխիր Ռասուլզոդան, Մակեդոնիայի Նախկին Հարավսլավական Հանրապետության վարչապետ Նիկոլա Գրուևսկին, Թունիսի Հանրապետության վարչապետ Մեհդի Ջումաան, Իրանի Իսլամական Հանրապետության առաջին փոխնախագահ Էսհաղ Ջահանգիրին, ինչպես նաև Ռումինիայի խորհրդարանի պատգամավորների պալատի նախագահ Վալերիու Զգոնյան և ՆԱՏՕ-ի Խորհրդարանական վեհաժողովի նախագահ Հյու Բեյլին:
