ուրբաթ, 12 սեպտեմբերի 2014
Վարչապետ Հովիկ Աբրահամյանի շնորհավորական ուղերձն աշխարհահռչակ դիրիժոր Վլադիմիր Սպիվակովին` 70-ամյա հոբելյանի առթիվ
Սիրելի Մաեստրո,
ՀՀ կառավարության և անձամբ իմ անունից սրտանց շնորհավորում եմ Ձեզ 70-ամյա հոբելյանի առթիվ:
Ձեր անզուգական տաղանդի և նպատակասլացության շնորհիվ՝ Դուք միջազգային երաժշտական ասպարեզում հասել եք փայլուն հաջողությունների, որոնցով հիրավի կարող է հպարտանալ յուրաքանչյուր երկիր: Հատուկ հարգանքի է արժանի նաեւ Ձեր մանկավարժական գործունեությունը և բարեգործությունը, որը բարձր իդեալների հանդեպ նվիրվածության վառ օրինակ է և ոգեշնչման աղբյուր՝ երիտասարդ երաժիշտների համար ոչ միայն Ռուսաստանում, այլև նրա սահմաններից դուրս: Մենք Հայաստանում բարձր ենք գնահատում Ձեր պրոֆեսիոնալիզմը և մարդկային բարձր արժանիքները:
Վլադիմիր Թեոդորի, Ձեր ընտանիքի եւ գործընկերների համար տոնական այս օրը, մաղթում եմ Ձեզ քաջ առողջություն, նորանոր ստեղծագործական ձեռքբերումներ և անսպառ եռանդ, որն ուղեկցել է Ձեզ ստեղծագործական կյանքում:
