չորեքշաբթի, 20 սեպտեմբերի 2000
Այսօր վարչապետ Անդրանիկ Մարգարյանը Հայաստանի անկախության օրվա կապակցությամբ ընդունելություն է կազմակերպել «Ակումբ-65» քաղբանտարկյալների միության անդամների համար:
Շնորհավորելով անկախության 9-րդ տարեդարձի առթիվ, վարչապետը բարձր գնահատեց ակումբի անդամների ունեցած ներդրումը, որոնք դեռ—ս 60-ական թվականներից նվիրվել են անկախության ու ազատության գաղափարների պաշտպանությանն ու իրագործմանը: Վարչապետի խոսքերով, այդ պայքարի ընթացքում եղել են զոհեր, շատերը բանտարկվել, աքսորվել, կրել են բազմաթիվ զրկանքներ, սակայն զինվորագրված լինելով անկախության պայքարին` մինչ— վերջ հավատարիմ են մնացել ժողովրդի նվիրական իղձերին:
Անդրանիկ Մարգարյանը, որը —ս 60-ական թվականների շարժման կազմակերպիչներից է ու նախկին քաղբանտարկյալ, հիշեց, որ այդ տարիներին իրենք չէին հավատում, որ կարող է ականատեսը դառնան ինքնիշխան Հայաստանի, սակայն գործում էին այն գիտակցմամբ, որ անհրաժեշտ է վառ պահել անկախության գաղափարը, սերունդներին փոխանցել ազատության ոգին` հանուն Հայաստանի վաղվա օրվա: Տարերային շարժումը կանոնակարգելու նպատակով 60-ականներին ընդհատակում ստեղծվեցին մի քանի կազմակերպություններ, այդ թվում` Ազգային միացյալ կուսակցությունը, որի անդամներն են եղել օրվա հանդիպման մասնակիցներից շատերը:
Վարչապետի խոսքերով, անկախությունը հեշտությամբ չի տրվել, այն ձեռք է բերվել տ—ական ու դժվարին պայքարի, բազում զրկանքների ու զոհերի գնով:
Անդրանիկ Մարգարյանը ցավով նշեց, որ անկախության 9 տարիներին մեր երկրի ու ժողովրդի առջ— ծառացած բազմաթիվ խնդիրները հնարավորություն չեն տվել հիմնավորապես զբաղվելու բռնադատվածների ու նրանց ընտանիքների հոգսերով ու պահանջներով, ըստ արժանվույն գնահատելու նրանց վաստակը: Նա միաժամանակ հավաստիացրեց, որ հանրապետության տնտեսության բարելավմանը զուգընեթաց կմեծանա նա— իշխանությունների ուշադրությունը բռնադատվածների ու նրանց ընտանիքների նկատմամբ:
«Մեր երկրի ու ժողովրդի անկախության համար անասելի զրկանքների ենթարկված նվիրյալները արժանի են դրան», -նշեց վարչապետը:
Ընդունելության ընթացքում նախկին քաղբանտարկյալներն իրենց խորհրդածությունները ներկայացրին վարչապետին: Թե— նրանք տարբեր կերպ են գնահատում անկախության 9 տարիներին կատարվածը, ներկա նվաճումները, այսուհանդերձ, բոլորը միասնական այն համոզմանն են, որ անկախությունը չունի այլընտրանք, հետադարձն անթույլատրելի է: Նախկին քաղբանտարկյալները հավաստիացրին, որ այսօր իսկ պատրաստ են ամենայնս նպաստելու Հայաստանի անկախության ամրապնդմանն ու հզորացմանը:
