շաբաթ, 19 սեպտեմբերի 2015
Վարչապետ Հովիկ Աբրահամյանի գլխավորած պատվիրակությունը կմեկնի ՉԺՀ
ՀՀ վարչապետ Հովիկ Աբրահամյանի գլխավորած կառավարական պատվիրակությունը սեպտեմբերի 21-ին աշխատանքային այցով կմեկնի Չինաստանի Ժողովրդական Հանրապետություն:
Պեկինում վարչապետ Աբրահամյանը հանդիպումներ կունենա ՉԺՀ պետական խորհրդի նախագահ (վարչապետ) Լի Քեցյանի, Չինաստանի Արտահանման-ներկրման բանկի նախագահ Խու Սյաոլյանի, Չինաստանի քաղաքացիական ինժեներական շինարարական կորպորացիայի (CCECC) փոխնախագահ, կոմկուսի առաջին քարտուղար Սոն Յոնի հետ:
Վարչապետ Աբրահամյանի գլխավորած պատվիրակությունը ՉԺՀ-ում ՀՀ դեսպանությունում կմասնակցի ՀՀ անկախության 24-րդ տարեդարձին նվիրված տոնական ընդունելությանը:
Այնուհետև ՀՀ կառավարության ղեկավարը կմեկնի Սիան (Շենսի նահանգ), որտեղ կմասնակցի Եվրասիական տնտեսական համաժողովին: Ֆորումի շրջանակներում վարչապետ Աբրահամյանը հանդիպում կունենա ՉԺՀ պետական խորհրդի անդամ (փոխվարչապետ) Վան Յունի հետ:
