երկուշաբթի, 6 սեպտեմբերի 2004
ՌԴ Բեսլան քաղաքում տեղի ունեցած ողբերգական իրադարձությունների կապակցությամբ ՀՀ վարչապետ Անդրանիկ Մարգարյանը ցավակցական հեռագիր է հղել ՌԴ կառավարության նախագահ Միխայիլ Ֆրադկովին, որում մասնավորապես ասված է.
« Մեծարգո Միխայիլ Եֆիմովիչ,
ՀՀ կառավարության և անձամբ իմ անունից խորին ցավակցություն եմ հայտնում Բեսլան քաղաքում կատարված հրեշավոր ահաբեկչական գործողության արդյունքում բազմաթիվ մարդկանց զոհվելու կապակցությամբ։
Ցնցված մարդկանց ողբերգական վախճանից, որոնց մի զգալի մասը երեխաներ էին, վշտակցության, անկեղծ կարեկցանքի և զորակցության խոսքեր ենք հղում բոլոր նրանց, ում պատուհասել է այս ահավոր դժբխտությունը։
Ռուսաստանի Դաշնության ժողովրդի համար այս ծանրագույն պահին սգալով Ձեզ հետ միասին՝ խնդրում ենք մեր ցավակցությունը հաղորդել զոհվածների ընտանիքներին և հարազատներին»։
