երկուշաբթի, 20 սեպտեմբերի 2004
Անկախության տոնի նախօրեին, կառավարությունում տեղի է ունեցել ՀՀ նախագահի կարգադրությամբ և ՀՀ վարչապետի որոշումներով պարգևատրված մի խումբ անձանց պարգևների հանձնման արարողություն:
Մինչև արարողությունն սկսելը, վարչապետ Անդրանիկ Մարգարյանը շնորհավորել է ներկաներին` Անկախության 13-րդ տարեդարձի և պարգևների արժանանալու առթիվ:
Այնուհետև «Մեկ ազգ, մեկ մշակույթ» համահայկական առաջին փառատոնի կազմակերպման և անցկացման գործում ներդրած մեծ ավանդի համար ՀՀ նախագահի շնորհակալագրեր են հանձնվել «ԱլֆաԷլ» պրոդյուսերական կենտրոնի նախագահ Լևոն Աբրահամյանին, բեմադրող ռեժիսոր Հրաչյա Աշուղյանին, Երևանի Կենտրոն համայնքի ղեկավար Գագիկ Բեգլարյանին, Հայաստանի պարարվեստի գործիչների միության նախագահ Վանուշ Խանամիրյանին, Արմավիրի մարզպետարանի աշխատակազմի ղեկավար Փառանձեմ Կարապետյանին և Ալ. Սպենդիարյանի անվան օպերայի և բալետի ազգային ակադեմիական թատրոնի կոլեկտիվին:
«Մեկ ազգ, մեկ մշակույթ» համահայկական փառատոնի կազմակերպմանն ու անցկացմանն ակտիվ մասնակցության համար ՀՀ վարչապետի շնորհակալագրեր են հանձնվել ՀՀ մշակույթի և երիտասարդության հարցերի նախարարի տեղակալ Կարինե Խոդիկյանին, ՀՀ արտաքին գործերի նախարարության աշխատակազմի սփյուռքի հետ կապերի գործակալության պետ Ջիվան Մովսիսյանին, ՀՀ մշակույթի և երիտասարդության հարցերի նախարարության աշխատակազմի քարտուղարության պետ Նորա Դայանին, ՀՀ մշակույթի և երիտասարդության հարցերի նախարարության աշխատակազմի միջազգային հարաբերությունների և սփյուռքի հետ համագործակցության վարչության պետ Սուսաննա խաչատրյանին, «Հայֆիլմ» կինոստուդիայի տնօրեն Գևորգ Գևորգյանին, «Էքսպո մեդիա» ՍՊԸ-ի տնօրեն Անահիտ Հակոբյանին, Մշակութային ծրագրերի պրոդյուսեր Արմեն Մանուկյանին:
Անկախության տոնի առթիվ և հայրենիքին մատուցած ծառայությունների համար ՀՀ վարչապետի շնորհակալագրեր են հանձնվել Աթանաս Վարդապետ Մովսիսյանին, Լևոն Մարգարյանին, Անդրանիկ Կարապետյանին, Ստեփան Կարապետյանին, ինչպես նաև հետմահու՝ Զինավեն Ղազարյանին, Վարագ Առաքելյանին և Գուրգեն Արմաղանյանին:
ՀՀ պաշտպանության նախարարի հրամանով՝ Գարեգին Նժդեհի աճյունի տեղափոխման գործում ներդրած ավանդի և ՀՀ անկախության 13-րդ տարեդարձի առթիվ «Գարեգին Նժդեհ» մեդալով պարգևատրվել են ՀՀ ԳԱԱ պատմության ինստիտուտի գիտաշխատող Ռաֆիկ Համբարձումյանը, «Հայաստանի պետական արխիվ» ՊՈԱԿ-ի թարգմանիչ Պավել Անանյանը, Երևանի պետական տնտեսագիտական ինստիտուտի դոցենտ Գարեգին Մխիթարյանը, Բերդաձորի գլխավոր բժիշկ Արցախ Բունիաթյանը և գեղանկարիչ Ժորա Բարսեղյանը:
