ուրբաթ, 29 նոյեմբերի 2019
Փոխվարչապետ Մհեր Գրիգորյանն ընդունել է Գերմանիայի դեսպանին
Փոխվարչապետ Մհեր Գրիգորյանն ընդունել է Հայաստանում Գերմանիայի արտակարգ և լիազոր դեսպան Միխայել Յոհաննես Բանցհաֆին:
Փոխվարչապետը, ողջունելով դեսպանին, կարևորել է Հայաստանի և Գերմանիայի միջև հարաբերությունների զարգացումն ու հույս հայտնել, որ համատեղ ջանքերով հնարավոր է համագործակցության մակարդակն էլ ավելի բարձրացնել: Մհեր Գրիգորյանը բարձր է գնահատել Գերմանական զարգացման բանկի (KfW) աջակցությամբ Հայաստանում իրականացվող ծրագրերը:
Շնորհակալություն հայտնելով ընդունելության համար՝ դեսպանը գոհունակությամբ է խոսել երկկողմ համագործակցության մասին:
Զրուցակիցները քննարկել են տեղեկատվական տեխնոլոգիաների, կրթության և տնտեսական ոլորտում հայ-գերմանական համագործակցության զարգացման ներուժը: Քննարկման շրջանակներում փոխվարչապետը ներկայացրել է Հայաստանում ներդրումներ կատարելու առավելությունները՝ անդրադառնալով Հայաստանի ԵԱՏՄ անդամ լինելու հանգամանքին և ներդրումային բարենպաստ միջավայր ստեղծելու Կառավարության ջանքերին:
Փոխվարչապետն ու Գերմանիայի դեսպանը երկուստեք կարևորել են ԹՈՒՄՈ ստեղծարար տեխնոլոգիաների կենտրոնի գաղափարի արտահանումը Գերմանիա:
