ուրբաթ, 31 հունվարի 2020
Փոխվարչապետ Մհեր Գրիգորյանը Ալմաթիում մասնակցել է Digital Almaty համաժողովին
Փոխվարչապետ Մհեր Գրիգորյանը Ղազախստան կատարած այցի շրջանակներում մասնակցել է Digital Almaty համաժողովին, որտեղ հանդես է եկել ելույթով:
Համաժողովին մասնակցում էին նաև Բելառուսի վարչապետ Սերգեյ Ռումասը, Ղազախստանի վարչապետ Ասկար Մամինը և Ռուսաստանի վարչապետ Միխայիլ Միշուստինը։
Ելույթի սկզբում փոխվարչապետը կարևորել է նմանատիպ միջոցառումների կազմակերպումը, քանի որ հենց նման հարթակներում են նախանշվում ԵԱՏՄ անդամ պետությունների ջանքերի կոնսոլիդացման ճիշտ ուղղությունները:
Ամփոփելով իր խոսքը փոխվարչապետ Մհեր Գրիգորյանը նշել է. «Մենք պետք է վստահ լինենք, որ ԵԱՏՄ ռազմավարությունը կմշակվի և կհաստատվի թվային զարգացման և արհեստական բանականության հարցերի պրիզմայի ներքո»:
