Հայաստանի Հանրապետության Կառավարություն

Առողջապահական եւ աշխատանքի տեսչական մարմնի կասեցումների ցանկում վերջին օրերին կան նաեւ պետական հիմնարկներ։ Այսօր կասեցվել է «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի գործունեությունը։

Տեսչական մարմնի ուժեղացված ստուգայցն այսօր կրկին Մալաթիա-Սեբաստիա վարչական շրջանում էր․ նախորդիվ այստեղ մի քանի անգամ եւս անցկացվել են խստացված վերահսկողական աշխատանքներ։ Ամեն հերթական դիտարկման արդյունքում արձանագրվող խախտումները կրճատվում են, կասեցման միջնորդությունների թիվը՝ նույնպես։

Վերջին օրերին ԱԱՏՄ կողմից կասեցվող տնտեսավարողների թիվը եւս զգալիորեն նվազել է։ Վերջիններիս ցանկում նկատվում է խոշոր տնտեսավարողների թվաքանակի անկման միտում․ աշխատանքի ժամանակավոր արգելք առավելապես կիրառվում է ԱՁ-ների հանդեպ։

ԱԱՏՄ-ն կրկին հիշեցնում է՝ կորոնավիրուսի տարածումը կանխելու նպատակով ՀՀ պարետի սահմանած անվտանգության նորմերի չպահպանումը ենթակա է վարչական պատասխանատվության։