հինգշաբթի, 16 հուլիսի 2020
ՀՀ կրթության տեսչական մարմինը ուժեղացված վերահսկողություն է իրականացրել մայրաքաղաքի Ավան վարչական շրջանում
ՀՀ կրթության տեսչական մարմինը, շարունակելով ամենօրյա խստացված ռեժիմով մշտադիտարկումները, այսօր վերահսկողություն է իրականացրել մայրաքաղաքի Ավան վարչական շրջանի նախադպրոցական ուսումնական հաստատություններում:
Տեսչական մարմնի աշխատակիցների կողմից ուշադրության կենտրոնում են գտնվում ՀՀ պարետի որոշմամբ սահմանված հակահամաճարակային կանոնների պահպանմանն ուղղված միջոցառումների իրականացումը՝ օգտագործվող սպասքի, ծորակների, ինչպես նաև անկողնային պարագաների ախտահանումը, փակվող աղբամանների առկայությունը, խմբասենյակներում, ննջարաններում և սնունդ ընդունելու ընթացքում երեխաների միջև սոցիալական հեռավորության պահպանումը: Տեսչական մարմնի աշխատակիցները տեղում տալիս են նաև համապատասխան ցուցումներ և անհրաժեշտ խորհրդատվություն:
ՀՀ կրթության տեսչական մարմինը շարունակելու է ուժեղացված վերահսկողությունը պարետի որոշումների կատարման նկատմամբ և հորդորում է խստորեն պահպանել հակահամաճարակային կանոնները:
Ստուգայցերի վերաբերյալ ամբողջ տեղեկատվությունը փոխանցվում է պարետատուն:
