ուրբաթ, 17 հուլիսի 2020
ՇՎՏՄ-ն հերթական մշտադիտարկումն ու կասեցումներն է իրականացրել
Այսօր՝ հուլիսի 17-ին, ՀՀ շուկայի վերահսկողության տեսչական մարմինը մշտադիտարկում է իրականացրել Երևան քաղաքի Էրեբունի վարչական շրջանում: Պարետի՝ մայիսի 3-ի N63 որոշման համաձայն՝ ստուգումներ են իրականացվել առևտրի կենտրոններում, տոնավաճառներում, շինարարական խանութներում, հեղուկ վառելիքի, սեղմված բնական կամ հեղուկացված նավթային գազերի մանրածախ առևտրի կետերում: Ստուգվել է տնտեսավարողների մոտ ախտահանիչ նյութերի, սոցիալական հեռավորություն պահպանելու համար արվող գծանշումների, դիմակների ու ձեռնոցների համար նախատեսված հատուկ փակ աղբամանների, դիմակ կրելը պարտադիր լինելու մասին իրազեկման թերթիկների, ջերմաչափերի ու ջերմաչափման գրանցամատյանների առկայությունը: Էրեբունի վարչական շրջանում էական խախտումներ չեն արձանագրվել:
ՇՎՏՄ-ն հուլիսի 17-ին իրականացրել է նաև կասեցումներ «Առինջ մոլում» առևտրի կենտրոնում: 24 ժամով կասեցվել է մի քանի տնտեսավարողների գործունեություն, որտեղ մշտադիտարկման ժամանակ հիմնականում բացակայել են ջերմաչափման գրանցամատյանները և գծանշումները:
Տեսչական մարմնի կողմից մշտադիտարկման գործընթացը ՀՀ ողջ տարածքում շարունակվում է:
