երկուշաբթի, 31 օգոստոսի 2020
Կասեցումներ և խստացված ռեժիմով ստուգայցեր․ ԱԱՏՄ
ՀՀ առողջապահական և աշխատանքի տեսչական մարմինն այսօր պարետի որոշմամբ 24 ժամով կասեցրել է 3 տնտեսավարողի գործունեություն:Նշված տնտեսավարողների մոտ արձանագրվել էին պարետի կողմից սահմանած կոնոնների խախտումներ։
Երևանում և մարզերում մշտադիտարկման աշխատանքները շարունակվել են սուպերմարկետների և բանկերի մասնաճյուղերում, դեղատներում, հյուրանոցներում, գեղեցկության սրահներում և այլն։
Արձանագրված հիմնական խախտումները կապված են ջերմաչափման և ախտահանման գրանցամատյանների սահմանված ձևաչափերի անհամապատասխանության և իրազեկման թերթիկների բացակայության հետ։
Տեսչական մարմնի աշխատակիցները ստուգայցին զուգահեռ իրականացրել են նաև իրազեկման աշխատանքներ։
