չորեքշաբթի, 2 սեպտեմբերի 2020
ԲԸՏՄ-ն մայրաքաղաքի Կենտրոն վարչական շրջանում խախտումներ չի արձանագրել
ՀՀ պարետի 2020 թվականի N 253-Ն որոշման համաձայն` ՀՀ բնապահպանության և ընդերքի տեսչական մարմնի աշխատակիցները ոստիկանների հետ համատեղ սեպտեմբերի 2-ին կրկնայց են կատարել Երևան քաղաքի Կենտրոն վարչական շրջանում:
Հուշակոթողների հարակից տարածքներում, զբոսայգիներում վերահսկվել են մարդկային կուտակումները, դիմակ կրելու, անձանց միջև սոցիալական հեռավորություն պահպանելու պարտադիր պահանջների կատարումը։
Վարչական շրջանի կանաչ գոտիներում այսօր ևս խախտումներ չեն արձանագրվել: Մշտադիտարկումների արդյունքները հավաստել են, որ քաղաքացիները հիմնականում պահպանում են պարետատան կողմից սահմանված հակահամաճարակային անվտանգության կանոնները։
Նշենք, որ վերահսկողական աշխատանքներն իրականացվում են Հայաստանի Հանրապետության տարածքում կիրառվող ժամանակավոր սահմանափակումների շրջանակում։
