չորեքշաբթի, 2 սեպտեմբերի 2020
Մշտադիտարկումներ և կասեցումներ ՀՀ ողջ տարածքում․ ԱԱՏՄ
ՀՀ առողջապահական և աշխատանքի տեսչական մարմնի աշխատակիցներն անակնկալ ստուգայցերով պարետի սահմանած անվտանգության կանոնների պահպանումն այսօր շարունակել են դիտարկել հանրապետության ողջ տարածքում։ Ուժեղացված ստուգայցերն իրականացվել են սուպերմարկետների մասնաճյուղերում, դեղատներում, գեղեցկության սրահներում և այլն։ Վերահսկողական աշխատանքների շրջանակում ԱԱՏՄ-ն կոպիտ խախտումներ չի արձանագրել։
Զուգընթաց իրականացվել է նաև իրազեկման աշխատանք, տրվել են պարտադիր կատարման ցուցումներ:
Պարետի սահմանած նորմերի խախտման հիմքով տեսչական մարմինն այսօր իրականացրել է նաև կասեցման աշխատանքներ․ 24 ժամով արգելվել է մի շարք տնտեսավարողների գործունեություն։ Ժամանակավոր կասեցման պատճառ են հանդիսացել տնտեսավարողների մոտ ջերմաչափման գրանցամատյանի, իրազեկման թերթիկների, ոտնակով փակվող աղբամանների բացակայությունը:
