երկուշաբթի, 6 նոյեմբերի 2000
Այսօր ՀՀ վ Անդրանիկ Մարգարյանն ընդունեց հոլանդական «FABSA» ընկերության ներկայացուցիչներին: Վարչապետի նախաձեռնությամբ դեռևս ս.թ. հունիսին սկսված հայ-նիդեռլանդական գործարար հարաբերությունները ներկայումս թևակոխում են նոր փուլ։ Հանդիպմանը քննարկվեցին նախապ ատրաստվող երկու համաձայնագրերին երկկողմ մասնակցության պայմանները:
Հունիսի 16-ին ՀՀ վարչապետ Անդրանիկ Մարգարյանի նախաձեռնությամբ տնտեսական ու գործարար կապերի զարգացման նպատակով Նիդեռլանդների Թագավորություն գործուղված աշխատանքային խմբի ձեռք բերած նախնական պայմանավորվածության ու առաջարկները ։ Հուլիսի սկզբին աշխատանքային խումբը վերադարձել էր գործուղումից և վարչապետին զեկուցել նախնական պայմանավորվածությունների ու առաջարկների մասին։ Ըստ դրա վարչապետը Հայաստանի Հանրապետության արդյունաբերության, գյուղատնտեսության և ֆինանսների նախարարություններին հանձնարարել էր ուսումնասիրել Նիդեռլանդների Թագավորության ընկերությունների կողմից Հայաստանի Հանրապետությունում գյուղատնտեսական ապրանքների արտադրության, վերամշակման և արտահանման նպատակով ներդրումային ծրագրերի իրականացման ոլորտում աշխատանքային խմբի ներկայացրած առաջարկությունները։
Նախարարությունների իրականացրած աշխատանքի արդյունքում սեպտեմբերի 14-ին ՀՀ կառավարության նիստում ընդունվեց Նիդեռլանդների Թագավորության ընկերությունների կողմից ՀՀ-ում գյուղատնտեսական ապրանքների արտադրության, վերամշակման և արտահանման նպատակով ներդրումային ծրագրերի իրականացման մասին որոշում։ Նախնական պայմանավորվածությունների արդյունքում նիդեռլանդական կողմը պատրաստվում է Հայաստանում կազմակերպել սնկի, բանջարեղենի, հավի մսի և բուսական յուղի արտադրություն ու արտահանում։
