շաբաթ, 26 մարտի 2022
Արայիկ Հարությունյանը մասնակցել է Համադպրոցական գիտության 2-րդ փառատոնի բացման արարողությանը
Վարչապետի աշխատակազմի ղեկավար Արայիկ Հարությունյանը մասնակցել է Համադպրոցական գիտության 2-րդ փառատոնի բացման արարողությանը: Միջոցառմանը ներկա են եղել նաև ՀՀ ԿԳՄՍ նախարար Վահրամ Դումանյանը և նախարարի տեղակալ Ժաննա Անդրեասյանը:
Միջոցառմանը ՀՀ մարզերի և Երևանի դպրոցների ավագ դասարանների աշակերտներն իրենց գիտական ղեկավարների աջակցությամբ ներկայացրել են անհատական և խմբային (մինչև 2 աշակերտ) գիտահետազոտական նախագծերը չորս հիմնական անվանակարգերում՝ մաթեմատիկա-ծրագրավորում, ֆիզիկա-աստղագիտություն, քիմիա և կենսաբանություն։
Փառատոնն իրականացվում է ՀՀ կրթության, գիտության, մշակույթի և սպորտի նախարարության նախաձեռնությամբ, որի նպատակն է դպրոցահասակների շրջանում հետաքրքրություն սերմանել գիտական հետազոտությունների, խմբային աշխատանքի, նորարարական ծրագրերի նկատմամբ:
