երկուշաբթի, 11 ապրիլի 2022
Փոխվարչապետ Մհեր Գրիգորյանը մասնակցել է ՀՀ և ՌԴ միջև դիվանագիտական հարաբերությունների հաստատման 30-ամյակին նվիրված միջոցառմանը
Փոխվարչապետ Մհեր Գրիգորյանը մասնակցել է Հայաստանում ՌԴ դեսպանության կողմից կազմակերպված ընդունելությանը՝ նվիրված Հայաստանի Հանրապետության և Ռուսաստանի Դաշնության միջև դիվանագիտական հարաբերությունների հաստատման 30-ամյակին: Միջոցառման ընթացքում փոխվարչապետը հանդես է եկել ողջույնի խոսքով և շնորհավորել երկու երկրների համար առանձնահատուկ կարևորություն ունեցող այս տարեթվի, ինչպես նաև Հայաստանի Հանրապետության և Ռուսաստանի Դաշնության միջև բարեկամության, համագործակցության և փոխադարձ օգնության մասին պայմանագրի ստորագրման 25-ամյակի կապակցությամբ:
