ուրբաթ, 24 նոյեմբերի 2000
Այսօր ՀՀ վարչապետ Անդրանիկ Մարգարյանի մոտ տեղի ունեցավ խորհրդակցություն՝ ոռոգման ջրի վարձավճարների հավաքագրման ընթացքի վերաբերյալ:
Խորհրդակցությանը մասնակցող մարպետները վարչապետին հաշվետվություն ներկայացրին հավաքագրման ցուցանիշների վերաբերյալ, նշեցին, թե մինչև տարեվերջ ինչ ակնկալիքներ ունեն, որքանո՞վ կկարողանան կատարել տարվա համար կառավարության սահմանած ցուցանիշը:
Մարզպետները, որ ոռոգման ջրի վարձավճարների հավաքագրման գործում աջակցում են տեղական ինքնակառավարման մարմիններին և այդ գործի պատասխանատու գյուղատնտեսության նախարարության համապատասխան օղակներին, անդրադարձան նաև գործընթացի խոչընդոտներին, նշելով դրանց օբյեկտիվ և սուբյեկտիվ պատճառները: Ըստ մարզպետների, օրենսդրական, իրավական դաշտի անկատարությունը էական ազդեցություն է ունենում աշխատանքի արդյունավետ կազմակերպման վրա, գործող մեխանիզմը հստակ չէ, ինչը որոշ դեպքերում չարաշահումների հարմար առիթ է դառնում, բնակչությունից հավաքագրված միջոցներն անհայտանում են «գյուղապետ-Ջրօգտագործողների միություն-«Ոռոգում» ՓԲԸ-ի ստորաբաժանումներ» շղթայում:
Վարչապետն անդրադառնալով երևույթին, նշեց, որ այդտեղ ակնհայտորեն կան իրավախախտումներ, որնց քննությամբ անպայման պետք է զբաղվեն իրավապահ մարմինները: Ըստ նրա, վարչապետի վերահսկողական ծառայույթունը ևս այս ոլորտում ուսումնասիրություն է կատարել, ինքը տեղյակ է մանրամասներին և համարում է, որ 2000 թ. պետբյուջեով ոլորտի համար նախատեսված 6 մլրդ դրամի սուբսիադավորումը, որ 2001 թ. 1 մլրդ-ով կրճատվել է, նվազեցնելու տեղ դարձալ ունի, քանի որ նեքին ռեզերվները ճիշտ չեն օգտագործվում, և պետությունը պարզապես ինչ-ինչ պատճառներով չհավաքված գումարների փոխարեն սուբսիդիա է հատկացնում:
Վարձավճարների հավաքագրման նախատեսված ցուցանիշը, ըստ Անդրանիկ Մարգարյանի, փոփոխման ենթակա չէ, գանձման մեխանիզմը գործուն դարձնելու համար, անհրաժեշտության դեպքում, կկատարվեն կառուցվածքային կամ կադրային փոփոխություններ, որպեսզի ամեն տարի նույն խնդրի մասին չխոսվի և մարտի 1-ից՝ ոռոգման սեզոնի սկզբից, համակարգը լիարժեք գործի:
