երեքշաբթի, 1 մարտի 2005
Այսօր կառավարությունում տեղի է ունեցել ՀՀ մարզերի և համայնքների վարչական սահմանների նկարագրման աշխատանքների կարգավորման կառավարական հանձնաժողովի առաջին նիստը, որը վարել է հանձնաժողովի նախագահ, ՀՀ տարածքային կառավարման և ենթակառուցվածքների գործունեությունը համակարգող նախարար Հովիկ Աբրահամյանը:
Քննարկվել և հավանության են արժանացել ՀՀ Արարատի, Արմավիրի, Շիրակի մարզերի քաղաքային (այդ թվում՝ Գյումրու, Արարատի, Արտաշատի, Մասիսի, Վեդու, Արմավիրի, Վաղարշապատի, Մեծամորի) և գյուղական շուրջ երկու հարյուր համայնքների վարչական սահմանները, որն իրականացվում է առաջին անգամ: Նիստում քննարկվել են նաև պետական սեփականության հողերը անհատույց սեփականության իրավունքով համայնքներին փոխանցելու, հողային հաշվեկշիռների, գյուղական որոշ համայնքների միջև առկա սահմանային վեճերի և այլ հարցեր: Հանձնաժողովի կայացրած որոշումները սահմանված կարգով կներկայացվեն կառավարության հաստատմանը:
