ուրբաթ, 22 ապրիլի 2005
ՀՀ վարչապետ Անդրանիկ Մարգարյանի հանձնարարությամբ, այսօր Արմավիրի մարզ են մեկնել ՀՀ տարածքային կառավարման և ենթակառուցվածքների գործունեությունը համակարգող նախարար Հովիկ Աբրահամյանը, ՀՀ կառավարությանն առընթեր արտակարգ իրավիճակների վարչության պետ Էդիկ Բարսեղյանը, գյուղատնտեսության նախարարության, ջրային տնտեսության պետական կոմիտեի և այլ գերատեսչությունների պատասխանատու ներկայացուցիչներ՝ ապրիլի 21-ի գիշերը մարզի տարածքում Արաքս գետի հոսքի կտրուկ ավելացման հետևանքով ստեղծված արտակարգ իրավիճակին ծանոթանալու և դրա կանխարգելմանն ուղղված միջոցառումների ձեռնարկման նպատակով: Ներկայումս դեպքի վայրում օպերատիվ աշխատանքներ են կատարվում գետի ջրապատնեշի ամրացման, ափամերձ Գետաշեն, Ջանֆիդա, Փշատավան և մի շարք այլ բնակավայրերին սպառնացող հնարավոր վտանգի վերացման ուղղությամբ:
