երկուշաբթի, 2 մայիսի 2005
ՀՀ վարչապետ Անդրանիկ Մարգարյանի գլխավորած պատվիրակությունն այսօր եռօրյա պաշտոնական այցով մեկնել է Բելառուսի մայրաքաղաք Մինսկ: Սա՝ 2000 թվականից հետո, Անդրանիկ Մարգարյանի երկրորդ պաշտոնական այցն է Բելառուսի Հանրապետություն, որը տեղի է ունենում Բելառուսի վարչապետ Սերգեյ Սիդորսկու հրավերով:
ՀՀ պատվիրակության կազմում են Ֆինանսների և էկոնոմիկայի նախարար Վարդան Խաչատրյանը, տարածքային կառավարման նախարար Հովիկ Աբրահամյանը, առևտրի և տնտեսական զարգացման նախարար Կարեն Ճշմարիտյանը, որը նաև Տնտեսական հարցերով հայ-բելառուսական միջկառավարական հանձնաժողովի նախագահն է, առողջապահության նախարար Նորայր Դավիդյանը, Արարատի մարզպետ Ալիկ Սարգսյանը, Սյունիքի մարզպետ Սուրիկ Խաչատրյանը, ԱԺ պատգամավորներ, պաշտոնատար այլ անձինք, գործարար շրջանակների ներկայացուցիչներ:
Վաղը՝ մայիսի 3-ին, նախատեսվում են ՀՀ վարչապետի հանդիպումները Բելառուսի նախագահ Ալեքսանդր Լուկաշենկոյի, վարչապետ Սերգեյ Սիդորսկու հետ: Անդրանիկ Մարգարյանը կայցելի նաև Հաղթանակի հրապարակ, «ՄԱԶ» արտադրական միավորում: ՀՀ կառավարության ղեկավարը կմասնակցի Հայ-բելառուսական գործարար համաժողովի և Հայաստանում արտադրվող ապրանքատեսականու ցուցահանդեսի բացմանը:
