հինգշաբթի, 2 հունիսի 2005
Այսօր կառավարությունում տեղի է ունեցել բասկետբոլի կանանց և տղամարդկանց թիմերի համահայկական առաջնությունը նախապատրաստող կազմկոմիտեի նիստ, որը վարել է ՀՀ տարածքային կառավարման նախարար, կազմկոմիտեի նախագահ Հովիկ Աբրահամյանը:
Քննարկվել են բասկետբոլի կանանց և տղամարդկանց թիմերի այս տարվա օգոստոսի 20-27-ը Երևանում կայանալիք համահայկական առաջնությանը մասնակցելու համար ներկայացված հայտերի, մարզասրահների վիճակի և առաջնության կազմակերպական ու ֆինանսական այլ հարցեր:
Հանձնարարվել է մինչև հուլիսի 10-ը վերջնականապես ճշտել մասնակցության համար հայտ ներկայացրած թիմերի ցանկը, ավարտել մարզասրահների նախապատրաստական աշխատանքները՝ համահայկական կարևոր մարզական այդ միջոցառումը բարձր մակարդակով անցկացնելու համար:
