չորեքշաբթի, 22 հունիսի 2005
ՀՀ վարչապետ Անդրանիկ Մարգարյանի որոշմամբ Եղիշե Նազարեթյանը ազատվել է ՀՀ աշխատանքի և սոցիալական հարցերի նախարարի տեղակալի պաշտոնից:
Վարչապետի մեկ այլ որոշմամբ աշխատանքի և սոցիալական հարցերի նախարարի տեղակալ է նշանակվել Արծրունի Աղաջանյանը:
Համառոտ կենսագրություն
Ծնվել է 1955թ., Արթիկում: 1979թ. ավարտել է Երևանի պետական համալսարանը՝ տնտեսագետի որակավորմամբ: 1986-1999թթ. աշխատել է Հոռոմի տրիկոտաժի ֆաբրիկայի տնօրեն, Արթիկի գուլպայի ֆաբրիկայի բաժնի վարիչ, գլխավոր տնտեսագետ, ֆինանսատնտեսագիտական վարչության պետ, տնտեսական հարցերով տնօրենի տեղակալ: 1996-1999թթ. եղել է Արթիկ քաղաքի ավագանու անդամ: 1999-2003թթ.՝ ՀՀ Ազգային ժողովի պատգամավոր, սոցիալական, առողջապահական և բնության պահպանության, ֆինանսավարկային, բյուջետային և տնտեսական հարցերի մշտական հանձնաժողովների անդամ: 2003թ.-ից մինչև նշանակումը աշխատել է ՀՀ Շիրակի մարզպետի տեղակալ:
«Օրինաց երկիր» կուսակցության անդամ է:
Ամուսնացած է, ունի 4 երեխա:
