հինգշաբթի, 30 հունիսի 2005
Այսօր տարածքային կառավարման նախարար Հովիկ Աբրահամյանի նախագահությամբ տեղի է ունեցել ՀՀ մարզերի և համայնքների վարչական սահմանների նկարագրման ու առկա սահմանային վիճելի հարցերի կարգավորման հանձնաժողովի նիստը, որին մասնակցել են ՀՀ կառավարությանն առընթեր անշարժ գույքի կադաստրի պետական կոմիտեի նախագահ Մանուկ Վարդանյանը, ՀՀ բնապահպանության, քաղաքաշինության, գյուղատնտեսության փոխնարարաներ, Տավուշի, Լոռու, Գեղարքունիքի մարզպետները և 30 համայնքի ղեկավարներ:
Հանգամանորեն քննարկվել են համայնքների վարչական սահմանների լիարժեք նկարագրման, մասնավորապես, վիճելի հարցերի լուծման ուղիները: Մասնակիցները կադաստրի պետական կոմիտեի նախագահ Մանուկ Վարդանյանի ներկայացրած առաջարկների հիման վրա որոշել են ըստ համայնքների հաստատել վարչական սահմանները: Առանձին դեպքերում՝ կապված արդյունաբերական հանգույցների տարածքների փոխանցման հետ, նիստը նախագահողը հանձնարարել է կադաստրի պետական կոմիտեին՝ սահմանված կարգով, նախապատրաստել ՀՀ կառավարության որոշման նախագծեր և ներկայացնել կառավարության առաջիկա նիստի քննարկմանը:
