ուրբաթ, 1 հուլիսի 2005
Այսօր տեղի է ունեցել ՀՀ կառավարության բարեգործական ծրագրերի համակարգման հանձնաժողովի հերթական նիստը, որը վարել է հանձնաժողովի նախագահ Ս. Տեր-Սիմոնյանը:
Հանձնաժողովը քննարկել է 6 բարեգործական ծրագիր: Մասնավորապես, քննարկվել և հաստատվել են` «Հայաստան» համահայկական հիմնադրամի կողմից իրականացվող «Լեռնային Ղարաբաղի Հանրապետության «Հյուսիս-Հարավ» ավտոմայրուղու Կիչան-Դրմբոն 11,6-18,5 կմ հատվածի 6,9 կիլոմետրի շինարարական աշխատանքների տեխնիկական, ծավալային, մասնագիտական և որակական վերահսկողություն» և «Գյումրի քաղաքի ծածկած լողավազանի կառուցում» ծրագրերը: Հաստատվել է նաև ԱՄՆ-ի «Հայաստանի զարգացման ծառայություններ» բարեգործական ընկերության հայկական մասնաճյուղի կողմից իրականացվող ծրագրիը, որով նախատեսվում է Սևանի թիվ 1 դպրոցի լոկալ կաթսայատան կառուցման և դպրոցի ներքին ջեռուցման ցանցի վերանորոգման աշխատանքների իրականացում, դրանով իսկ բարելավելով դպրոցի երեխաների ուսման պայմանները:
«Փոքրիկ և պատանի երկրապահ» բարեգործական հիմնադրամի կողմից իրականացվող «Ապագա զինվոր» ծրագիրը, որի նպատակն է երեխաներին տալ ռազմահայրենասիրական կրթություն և դաստիարակություն, ծանոթացնել նրանց Հայաստանի պատմական վայրերին, մշակութային օջախներին, ևս արժանացել է բարեգործական ծրագրերի համակարգման հանձնաժողովի հավանությանը և հաստատվել:
Նիստում քննարկվել և հաստատվել են «Հայ օգնության միություն» բարեգործական հասարակական կազմակերպության կողմից իրականացվող «Դիլիջանի ճամբար» ծրագիրը, որով նախատեսվում է զոհված ազատամարտիկների և երկկողմանի ծնողազուրկ երեխաների ամառային հանգստի անվճար կազմակերպում, ինչպես նաև նախկինում հաստատված ծրագրերի շրջանակներում իրականացվող հարակից գործարքներ և տարբեր կազմակերպությունների հասցեներով ուղարկված բարեգործական բեռների ներմուծման ծրագրեր:
