հինգշաբթի, 1 սեպտեմբերի 2005
Այսօր տեղի է ունեցել Հրանտ Մաթևոսյանի 70-ամյակի նշումը նախապատրաստող հոբելյանական հանձնաժողովի նիստ, որը վարել է հանձնաժողովի նախագահ, ՀՀ վարչապետ Անդրանիկ Մարգարյանը:
Քննարկվել է նախորդ նիստի հանձնարարականների կատարման ընթացքը, անդրադարձ է արվել տարեկան ծրագրով նախատեսված հոբելյանական միջոցառումներին: Զեկուցվել է, որ հանձնարարականները կատարվել են: Մասնավորապես, հանձնաժողովի անդամներին է տրամադրվել հոբելյանին նվիրված մարզային միջոցառումների ծրագիրը, կառավարության պահուստային ֆոնդից գումար է տրամադրվել գրողի ծննդավայր տանող Ահնիձոր-Լոռուտ ճանապարհահատվածի նորոգման, «Չեզոք գոտի» պիեսի բեմադրման համար, իսկ տարեկան ծրագրով նախատեսված ավելի քան երկու տասնյակ միջոցառումների մի մասն ընթացքի մեջ է, մի մասի ուղղությամբ նախապատրաստական աշխատանքներ են տարվում, և դրանք նախատեսված ժամանակահատվածում կիրականացվեն:
