երկուշաբթի, 24 հոկտեմբերի 2005
ՀՀ վարչապետի որոշմամբ Գագիկ Խաչատրյանը նշանակվել է Հայաստանի Հանրապետության գյուղատնտեսության նախարարի տեղակալ:
Կենսագրական տվյալներ
Գագիկ Խաչատրյանը ծնվել է 1952թ. Աշտարակի շրջանի Ավան գյուղում: 1973թ. ավարտել է Երևանի Կ. Մարքսի անվան պոլիտեխնիկական ինստիտուտը՝ ինժեներ-մեխանիկի որակավորմամբ: 1973-1978թթ. աշխատել է Երևանի «Բազալտ» և «Ֆերիտ» գործարաններում՝ որպես վարպետ, ավագ վարպետ, ապա ինժեներ-կոնստրուկտոր: 1978-1980թթ. զբաղեցրել է Երևանի «Ֆերիտ» գործարանի, այնուհետև Երևանի «Պլաստիկ» միավորման Էջմիածնի մասնաճյուղերի գլխավոր ինժեների պաշտոնը: 1980-1983թթ. աշխատել է ՀԿԿ Էջմիածնի շրջկոմի կազմակերպչական բաժնի հրահանգիչ, ապա Երևանի կիսահաղորդիչային տեխնիկայի հատուկ կոնստրուկտորական բյուրոյի բաժնի վարիչ: 1983-1999թթ. եղել է Աշտարակի «Տրանզիստոր» կիսահաղորդիչային սարքերի գործարանի տնօրեն, 1999-2001թթ.՝ ՀՀ ԱԺ պատգամավոր:
2001 թվականից մինչև նշանակումը աշխատել է որպես «Պետական գնումների գործակալություն» ՊՈԱԿ-ի պետ:
ՀՀԿ անդամ է:
Ամուսնացած է, ունի երեք երեխա:
