հինգշաբթի, 20 ապրիլի 2006
Ապրիլի 19-ին ՀՀ Ազգային Ժողովի տարածած «Դատախազության պատասխանը ՀՀ ԱԺ նախագահի ուղարկած նյութերին» վերնագրով պաշտոնական հաղորդագրության համաձայն, ՀՀ դատախազության «ուսումնասիրության արդյունքներով հաղորդում է ներկայացվել ՀՀ վարչապետին»:
Իրականում, Ազգային Ժողովի նախագահին դատախազության ուղարկած փաստաթղթում նման ձևակերպում չկա: Ծավալուն այդ փաստաթղթում, որից մեջբերվել են ընդամենը հատվածներ` չհիշատակելով փաստաթղթում առկա ձեռնարկված միջոցառումների մասին, Հայաստանի Հանրապետության վարչապետի հետ կապված կա ընդամենը հետևյալ ձևակերպումը. «Նկատի ունենալով, որ արձանագրված թերությունները որոշ դեպքերում պայմանավորված են օրենսդրության մեջ առկա թերություններով ու բացթողումներով, ինչն անհարկի չարաշահումների տեղիք է տալիս, համապատասխան բաելավումներ անցկացնելու վերաբերյալ առաջարկություն է ներկայացվել Հայաստանի Հանրապետության վարչապետին: Նշված հաղորդման քննարկման արդյունքները վկայում են այն մասին, որ այդ ոլորտում արդեն իսկ ձեռնարկվել են մի շարք արդյունավետ քայլեր: Մասնավորապես, Հայաստանի Հանրապետության կառավարության նախաձեռնությամբ ներկայացվել են Հայաստանի Հանրապետության մաքսային օրենսգրքում, «Հարկերի մասին» Հայաստանի Հանրապետության օրենքում փոփոխություններ և լրացումներ կատարելու մասին նախագծեր: Ընդունվել են նաև վերը նշված իրավական ակտերում բացթողումները լրացնող մի շարք ենթաօրենսդրական ակտեր»:
Հարկ է նշել, որ «համապատասխան բարելավումներ անցկացնելու վերաբերյալ առաջարկությունը» և «դատախազության հաղորդումը», ըստ էության, տարբեր հասկացություններ են, բացի այդ` ԱԺ-ի պաշտոնական հաղորդագրության մեջ տեղ են գտել որոշ նյութեր, որոնք ՀՀ գլխավոր դատախազի 2005թ. մարտի 9-ի` ՀՀ ԱԺ նախագահին ուղղված գրության մեջ առկա չեն, այդ թվում` մասնավորեցման կոնկրետ դեպքերին արված անդրադարձը:
Իրականում, Ազգային Ժողովի նախագահին դատախազության ուղարկած փաստաթղթում նման ձևակերպում չկա: Ծավալուն այդ փաստաթղթում, որից մեջբերվել են ընդամենը հատվածներ` չհիշատակելով փաստաթղթում առկա ձեռնարկված միջոցառումների մասին, Հայաստանի Հանրապետության վարչապետի հետ կապված կա ընդամենը հետևյալ ձևակերպումը. «Նկատի ունենալով, որ արձանագրված թերությունները որոշ դեպքերում պայմանավորված են օրենսդրության մեջ առկա թերություններով ու բացթողումներով, ինչն անհարկի չարաշահումների տեղիք է տալիս, համապատասխան բաելավումներ անցկացնելու վերաբերյալ առաջարկություն է ներկայացվել Հայաստանի Հանրապետության վարչապետին: Նշված հաղորդման քննարկման արդյունքները վկայում են այն մասին, որ այդ ոլորտում արդեն իսկ ձեռնարկվել են մի շարք արդյունավետ քայլեր: Մասնավորապես, Հայաստանի Հանրապետության կառավարության նախաձեռնությամբ ներկայացվել են Հայաստանի Հանրապետության մաքսային օրենսգրքում, «Հարկերի մասին» Հայաստանի Հանրապետության օրենքում փոփոխություններ և լրացումներ կատարելու մասին նախագծեր: Ընդունվել են նաև վերը նշված իրավական ակտերում բացթողումները լրացնող մի շարք ենթաօրենսդրական ակտեր»:
Հարկ է նշել, որ «համապատասխան բարելավումներ անցկացնելու վերաբերյալ առաջարկությունը» և «դատախազության հաղորդումը», ըստ էության, տարբեր հասկացություններ են, բացի այդ` ԱԺ-ի պաշտոնական հաղորդագրության մեջ տեղ են գտել որոշ նյութեր, որոնք ՀՀ գլխավոր դատախազի 2005թ. մարտի 9-ի` ՀՀ ԱԺ նախագահին ուղղված գրության մեջ առկա չեն, այդ թվում` մասնավորեցման կոնկրետ դեպքերին արված անդրադարձը:
