երեքշաբթի, 8 օգոստոսի 2006
ՀՀ վարչապետ Անդրանիկ Մարգարյանը շնորհավորական ուղերձ է հղել Վիկտոր Յանուկովիչին` Ուկրաինայի վարչապետ նշանակվելու կապակցությամբ, որում մասնավորապես ասված է.
« Մեծարգո Վիկտոր Ֆյոդորովիչ,
ՀՀ կառավարության և անձամբ իմ անունից շնորհավորում եմ Ձեզ Ուկրաինայի վարչապետ նշանակվելու կապակցությամբ:
Կարևորելով մեր երկու պետությունների միջև հարաբերությունների զարգացումը, վստահ եմ, որ Ուկրաինայի կառավարության նոր կազմը Ձեր ղեկավարությամբ նշանակալի հաջողությունների կհասնի երկրի սոցիալ-տնտեսական զարգացման գործում, իսկ Հայաստանի և Ուկրաինայի միջև բազմակողմանի և փոխշահավետ համագործակցությունն էլ ավելի կընդլայնվի ու կխորանա՝ ի նպաստ մեր երկու բարեկամ երկրների ժողովուրդների»:
ՀՀ վարչապետը հաջողություններ է ցանկացել Վիկտոր Յանուկովիչին՝ բարձր պաշտոնում նրա առաջիկա գործունեության մեջ, իսկ Ուկրաինայի ժողովրդին՝ խաղաղություն, երջանկություն և բարգավաճում:
