հինգշաբթի, 30 նոյեմբերի 2006
Այսօր ՀՀ վարչապետ Անդրանիկ Մարգարյանի գլխավորած կառավարական պատվիրակությունը մեկնել է Մոսկվա: Դեկտեմբերի 1-ին, ՀՀ վարչապետը հանդիպում կունենա ՌԴ կառավարության նախագահ Միխայիլ Ֆրադկովի հետ և կքննարկի մի շարք ոլորտներում երկու երկրների համագործակցությանն առնչվող հարցեր: Վարչապետները կամփոփեն նաև Ռուսաստանում Հայաստանի տարվա արդյունքները: Նույն օրը երեկոյան, Անդրանիկ Մարգարյանը կայցելի Համառուսաստանյան ցուցահանդեսային կենտրոն: Դեկտեմբերի 2-ին ՀՀ վարչապետը Սանկտ-Պետերբուրգում կմասնակցի էրմիտաժում «Հայաստանի մշակույթ» ցուցահանդեսի բացմանը, որտեղ ցուցադրվելու են I-XIX դարերի հայկական մշակույթն ու արվեստը: Կցուցադրվեն հայ մանրանկարչության, արծաթագործության, ճարտարապետության նմուշներ, հնագույն ձեռագրեր ու խաչքարեր:
Օրվա երկրորդ կեսին, Եկատերինյան պալատում ՀՀ կառավարության ղեկավարը կմասնակցի Ռուսաստանում Հայաստանի տարվա փակման պաշտոնական արարողությանը և այդ կապակցությամբ հանդես կգա ելույթով:
