ուրբաթ, 9 նոյեմբերի 2001
ՀՀ վարչապետ Անդրանիկ Մարգարյանը հանձնարարել է կրթության և գիտության նախարարին՝ կառավարության առաջիկա նիստում քննարկման ներկայացնելու համար պատրաստել որոշման նախագիծ, որով փոփոխություն կկատարվի N781 որոշման մեջ և հնարավորություն կտրվի Հայաստանի պետական ճարտարագիտական համալսարանի և գյուղատնտեսական ակադեմիայի քոլեջների երրորդ կուրսի ուսանողներին պարտադիր զինվորական ծառայության մեկնել ուսումն ավարտելուց հետո՝ 2002 թ. գարնան զորակոչի ժամանակ, իսկ երկրորդ կուրսի ուսանողների ուսումնառության գործընթացը կկազմակերպվի այնպես, որ այն ավարտվի 2002 թ., և ուսանողները զորակոչվեն նույն թվականի աշնանը:
