երկուշաբթի, 11 հունիսի 2007
ՀՀ վարչապետ Սերժ Սարգսյանը շնորհավորական ուղերձ է հղել Ռուսաստանի Դաշնության կառավարության նախագահ Միխայիլ Ֆրադկովին՝ Ռուսաստանի օրվա կապակցությամբ, որում, մասնավորապես, ասված է.
«Մեծարգո Միխայիլ Եֆիմովիչ,
ՀՀ կառավարության և անձամբ իմ անունից շնորհավորում եմ Ձեզ ազգային տոնի՝ Ռուսաստանի օրվա առթիվ:
Ռուսական պետության՝ իրադարձություններով և նշանակալից տարեթվերով հարուստ բազմադարյա պատմության մեջ այս օրը, որը կարելի է համարել նոր Ռուսաստանի ծննդյան օր, առանձնահատուկ նշանակություն ունի, քանի որ այն ելակետ հանդիսացավ երկրում ժողովրդավարական բարեփոխումների իրականացման, քաղաքացիական հասարակության և միջազգային ասպարեզում կար—որ դերակատարություն ունեցող առաջատար պետության կառուցման համար: Վերջին տարիներին Ռուսաստանի տնտեսության մեջ, սոցիալական ոլորտում և քաղաքական կառուցվածքում տեղի ունեցած փոփոխությունները համոզում են, որ երկրի զարգացումն ու առաջընթացը անշրջելի բնույթ ունեն:
Պաշտպանելով Ձեր գլխավորած կառավարության կողմից իրականացվող և հիշյալ նպատակների իրագործմանն ուղղված քաղաքականությունը, վստահություն եմ հայտնում, որ Հայաստանի Հանրապետության և Ռուսաստանի Դաշնության միջ— հաստատված ամուր հիմք և լավ հեռանկարներ ունեցող դաշնակցային գործընկերության ու փոխշահավետ համագործակցության հարաբերությունները՝ մեր համատեղ ջանքերի շնորհիվ, այսուհետ ևս հաջողությամբ կզարգանան:
Հարգելի Միխայիլ Եֆիմովիչ, շնորհավորելով Ձեզ և բոլոր ռուսաստանցիներին Ռուսաստանի ազգային միասնության խորհրդանիշը դարձած համաժողովրդական տոնի կապակցությամբ, մաղթում եմ երջանկություն, քաջառողջություն — բարօրություն»:
