շաբաթ, 14 հուլիսի 2007
ՀՀ վարչապետ Սերժ Սարգսյանն այսօր երկօրյա աշխատանքային այցով կմեկնի Գեղարքունիքի մարզ: Վարչապետը երեկոյան Մարտունի քաղաքում կմասնակցի շախմատի` 12-րդ կարգի միջազգային մրցաշարի հանդիսավոր փակմանն ու արդյունքների հրապարակումից հետո մրցանակների հանձնման արարողությանը: Իսկ վաղը` հուլիսի 15-ին, Սերժ Սարգսյանը կայցելի գարնանային հեղեղումներից տուժած մարզի մի քանի գյուղեր` տեղում ծանոթանալու իր նախորդ այցի ընթացքում տված հանձնարարականների կատարման ընթացքին և առկա խնդիրներին: Վարչապետը կայցելի նաև Արծվանիստ գյուղի Վանևան վանքային համալիր, նույն գյուղի բազմանդամ ընտանիքներից մեկին և օրվա երկրորդ կեսին կմասնակցի մարզում մշտապես մեծ շուքով նշվող վարդավառի տոնակատարությանը:
