չորեքշաբթի, 18 հուլիսի 2007
ՀՀ վարչապետ Սերժ Սարգսյանն այսօր հանդիպում է ունեցել Հարավային Կովկասի երկրների անվտանգության և կայունության հարցերով հետազոտություններ անցկացնելու նպատակով Հայաստան ժամանած ԱՄՆ ազգային ռազմավարական քոլեջի դասախոս, նախկինում Եվրասիայի հարցերով ԱՄՆ պաշտպանության քարտուղարի գրասենյակի ներկայացուցիչ Ջեյմս Մաք Դուգալին, որը տարածաշրջանային այցի շրջանակներում մինչ այս արդեն մի շարք հանդիպումներ է ունեցել Ադրբեջանի և Վրաստանի բարձրաստիճան պաշտոնյաների, արտաքին քաղաքականության և ազգային անվտանգության հարցերով զբաղվող հետազոտական կենտրոնների ներկայացուցիչների հետ:
Նշելով, որ բավականին լավ տպավորություններով է հիշում մոտ երկու տարի առաջ Պենտագոնում Սերժ Սարգսյանի հետ հանդիպումը, երբ նա դեռևս ղեկավարում էր ՀՀ պաշտպանության նախարարությունը, Ջեյմս Մաք Դուգալը վարչապետի հետ քննարկել է իր հետազոտության թեմային վերաբերող հարցեր:
