ուրբաթ, 3 օգոստոսի 2007
ՀՀ վարչապետ Սերժ Սարգսյանն այսօր եռօրյա աշխատանքային այցով մեկնել է Արագածոտնի, Լոռու և Տավուշի մարզեր: Բոլոր երեք մարզերում վարչապետի աշխատանքային ծրագիրը բավականին հագեցած է: Արագածոտնում, Լոռիում և Տավուշում Սերժ Սարգսյանը կծանոթանա գյուղատնտեսական, գազիֆիկացման, շինարարական աշխատանքներին, հանդիպումներ կունենա բնակչության և մի շարք համայնքների ղեկավարների հետ, կայցելի «Վանաձոր-քիմպրոմ» ՓԲԸ, վերագործարկված քիմիական այդ համալիրի զարգացման ծրագրերի շուրջ ընկերության ղեկավարության և պատասխանատու պաշտոնյաների մասնակցությամբ կանցկացնի խորհրդակցություն: Այցի շրջանակներում վարչապետը կլինի նաև Բագրատաշենի մաքսակետում, կայցելի Արագածոտնի մարզի Արտաշավան գյուղում գտնվող հակակարկտային կենտրոն, օգոստոսի 5-ին Տավուշի մարզում կմասնակցի Կոթիի հիմնադրման օրվան նվիրված տոնական միջոցառումներին:
