Հայաստանի Հանրապետության Կառավարություն

 Վաղը` նոյեմբերի 13-ին եռօրյա պաշտոնական այցով Հայաստան կժամանի Բուլղարիայի Հանրապետության վարչապետ Սերգեյ Ստանիշևը: ԲՀ վարչապետի պատվիրակության կազմում են ՀՀ-ում ԲՀ դեսպան Ստեֆան Դիմիտրովը, «Կոալիցիա հանուն Բուլղարիայի» խորհրդարանական խմբի նախագահ Միխայիլ Միկովը, ԲՀ ԱԺ Հայաստանի հետ բարեկամության խմբի նախագահ Ռուբեն Կրիկորյանը, ԲՀ վարչապետի աշխատակազմի ղեկավար Ֆիլիպ Բոկովը, երիտասարդության և սպորտի հարցերով պետական գործակալության նախագահ Վեսելա Լեչևան, ԲՀ նախագահի արտաքին քաղաքականության հարցերով քարտուղար Էմիլ Վիլևը, ԲՀ արտաքին գործերի փոխնախարար Եվգենիա Կոլդանովան, Էկոնոմիկայի և էներգետիկայի փոխնախարար Յավոր Կույումջիևը, հողագործության և պարենի փոխնախարար Սվետլա Բաչվարովան, ֆինանսների փոխնախարար Կիրիլ Ժելևը, ԱԺ-ի հետ համագործակցության հարցերով ԲՀ կառավարության քարտուղար Վելադին Բիտոլսկին, ԲՀ կառավարությանն առընթեր ռազմաարդյունաբերական համալիրի և մոբիլիզացիոն պատրաստվածության հարցերով միջգերատեսչական խորհրդի քարտուղար Իվան Դոչևը, ԲՀ կառավարութան, արտաքին գործերի նախարարության ստորաբաժանումների ղեկավարներ, պաշտոնատար այլ անձինք: ԲՀ վարչապետին ուղեկցող պատվիրակության կազմում են ԲՀ ԱԺ տնտեսական հարցերով հանձնաժողովի փոխնախագահը, ԱԺ-ի և վարչապետի աշխատակազմի ներկայացուցիչներ:

Պաշտոնական այցի ընթացքում Սերգեյ Ստանիշևը հանդիպումներ կունենա ՀՀ նախագահ Ռոբերտ Քոչարյանի, ՀՀ ԱԺ նախագահ Տիգրան Թորոսյանի, ՀՀ վարչապետ Սերժ Սարգսյանի, Ն.Ս.Օ.Տ.Տ. Ամենայն Հայոց Կաթողիկոս Գարեգին Բ-ի հետ: Բուլղարիայի վարչապետը կայցելի Ծիծեռնակաբերդ և ծաղկեպսակ կդնի Հայոց Մեծ եղեռնի զոհերի հուշահամալիրին, Երևանի պետական համալսարանում կհանդիպի պրոֆեսորադասախոսական կազմի և ուսանողության, իսկ Մշակութային կապերի հայկական միությունում` Հայ-բուլղարական բարեկամության խմբի անդամների և բուլղարական համայնքի ներկայացուցիչների հետ: ԲՀ վարչապետը կլինի նաև Մատենադարանում, Պ. Յավորովի անվան N131 միջնակարգ դպրոցում, Երևանի կոնյակի գործարանում, Մայր Աթոռ Սուրբ Էջմիածնում կայցելի Գանձարան և Մայր տաճար:

Ի գիտություն լրագրողների

Բուլղարիայի Հանրապետության վարչապետ Սերգեյ Ստանիշևի պաշտոնական այցի

ծրագրի ժամանակացույցից

13-ը նոյեմբերի

14:35 - Ժամանում «Զվարթնոց» օդանավակայան

(արարողակարգային նկարահանման համար օպերատորները և ֆոտոթղթակիցները հրավիրվում են 13:30-ին)

16:10 -16:30 - Առանձնազրույց ՀՀ վարչապետ Սերժ Սարգսյանի հետ

(արարողակարգային նկարահանման համար օպերատորները և ֆոտոթղթակիցները հրավիրվում են 15:50-ին)

16:35 -17:20 - Հանդիպում ընդլայնված կազմով, փաստաթղթերի ստորագրում, վարչապետների համատեղ ասուլիս (արարողակարգային նկարահանում)

17:25 - Փաստաթղթերի ստորագրման արարողություն (արարողակարգային նկարահանում)

17:35 -17:50 - Մամուլի ասուլիս (լրագրողները հրավիրվում են 17:00-ին)

14-ը նոյեմբերի

09:00 - Մեկնում Մեծ եղեռնի զոհերի հուշահամալիր, այցելություն Ցեղասպանության թանգարան-ինստիտուտ

10:00 -10:50 - Հանդիպում ՀՀ ԱԺ նախագահ Տիգրան Թորոսյանի հետ

11:00 -11:45 - Հանդիպում ՀՀ նախագահ Ռոբերտ Քոչարյանի հետ

12:00-13:00 - Այցելություն Երևանի պետական համալսարան, հանդիպում պրոֆեսորադասախոսական կազմի և ուսանողության հետ

13:15 - 14:15 - Այցելություն Պ. Յավորովի անվան N131 միջնակարգ դպրոց

15:30 - 16:15 - Այցելություն Մատենադարան

16:30 - 17:30 - Մշակութային կապերի հայկական միությունում հանդիպում Հայ-բուլղարական բարեկամության խմբի անդամների և բուլղարական համայնքի ներկայացուցիչների հետ

19:00 - Այցելություն Երևանի կոնյակի գործարան

15-ը նոյեմբերի

10:10 - 10:45 - Մայր Աթոռ Սուրբ Էջմիածնում հանդիպում Ն.Ս.Օ.Տ.Տ Գարեգին Բ Ամենայն Հայոց կաթողիկոսի հետ, այցելություն Գանձարան և Մայր տաճար:

11:40 - «Զվարթնոց» օդանավակայանում կարճատև հանդիպում ՀՀ վարչապետի հետ, ճանապարհման պաշտոնական արարողություն

(արարողակարգային նկարահանման համար օպերատորները և ֆոտոթղթակիցները հրավիրվում են 11:10-ին):