երեքշաբթի, 11 մարտի 2008
Հայաստանի Հանրապետության նախագահի պաշտոնում ընտրվելու առիթով, շարունակվում են շնորհավորական հեռագրեր ստացվել Սերժ Սարգսյանի անունով:
Ուզբեկստանի Հանրապետության նախագահ Իսլամ Քարիմովի ուղերձում, մասնավորապես, ասված է.
«Հարգելի Սերժ Ազատի,
Ընդունեք իմ անկեղծ շնորհավորանքները` Հայաստանի Հանրապետության նախագահ ընտրվելու կապակցությամբ:
Վստահ եմ, որ բարեկամության և փոխադարձ հարգանքի սկզբունքների վրա հիմնված հայ-ուզբեկական հարաբերություններն այսուհետ ևս կշարունակեն ամրապնդվել` ի շահ երկու երկրների:
Օգտվելով առիթից, ուզում եմ մաղթել Ձեզ` հարգելի Սերժ Ազատի, քաջառողջություն և հաջողություններ` Ձեր պատասխանատու գործունեության մեջ, իսկ Հայաստանի ժողովրդին` խաղաղություն և բարօրություն»:
