ուրբաթ, 14 մարտի 2008
Հայաստանի Հանրապետության նախագահի պաշտոնում ընտրվելու առիթով, շարունակում են շնորհավորական հեռագրեր ստացվել Սերժ Սարգսյանի անունով:
Շվեյցարիայի Համադաշնության նախագահ Պասկալ Կուշպենի շնորհավորական ուղերձում, մասնավորապես, ասված է.
«Շվեյցարիայի Համադաշնության խորհրդի անունից թույլ տվեք իմ անկեղծ շնորհավորանքները հղել Ձեզ` Հայաստանի Հանրապետության նախագահի ընտրություններում տարած հաղթանակի կապակցությամբ և ցանկանալ հաջողություն Ձեր բարձր պաշտոնում: Միաժամանակ, օգտվելով առիթից, մաղթում եմ Ձեզ անձնական բարեկեցություն, իսկ Ձեր երկրին` խաղաղություն և բարգավաճում:
Համոզված եմ, որ մեր երկրների միջև գոյություն ունեցող լավ հարաբերությունները հետագայում ևս կշարունակեն ամրապնդվել»:
