երկուշաբթի, 17 մարտի 2008
ՀՀ վարչապետ Սերժ Սարգսյանի մոտ այսօր տեղի է ունեցել խորհրդակցություն, որին մասնակցել են ՀՀ կենտրոնական բանկի նախագահը, ֆինանսների և Էկոնոմիկայի, առևտրի և տնտեսական զարգացման նախարարները, ՀՀ ԿԱ հարկային պետական ծառայության պետը, մաքսային պետական կոմիտեի, ՀՀ տնտեսական մրցակցության պաշտպանության պետական հանձնաժողովի նախագահները:
Քննարկվել են հանրապետությունում որոշ ապրանքատեսակների, այդ թվում` ցորենի և ալյուրի թանկացման ու դրա միտումների հետ կապված խնդիրներ: ՀՀ առևտրի և տնտեսական զարգացման նախարարը զեկուցել է, որ այս ընթացքում շարունակվել է շուկայի մոնիտորինգի իրականացումը, այդ նպատակով կատարվել են վերլուծություններ, ինչպես նաև տեղի է ունեցել հանդիպում ոլորտի բիզնես հանրության հետ:
Խորհրդակցության արդյունքում հանձնարարվել է` ձեռնարկել միջոցներ ներկրում-իրացում շղթայի հնարավորին թափանցիկության և վերահսկելիության մեծացման ուղղությամբ:
