ուրբաթ, 28 մարտի 2008
Այսօր ՀՀ կառավարությունում տեղի է ունեցել «Հազարամյակի մարտահրավեր» հիմնադրամ-Հայաստան» ՊՈԱԿ-ի կառավարման խորհրդի նիստ, որը վարել է խորհրդի նախագահ, ՀՀ վարչապետ Սերժ Սարգսյանը:
Կառավարման խորհուրդը քննարկել և հաստատել է «Հազարամյակի մարտահրավեր» հիմնադրամ-Հայաստան» ծրագրի գյուղական ճանապարհների վերականգնման ենթածրագրի համապատասխան պայմանագրում ընդգրկված` ճանապարհահատվածների վերականգնման աշխատանքների մրցույթների արդյունքները: Նիստում քննարկվել են նաև ՀՄՀ-Հայաստան ծրագրի Ոռոգվող գյուղատնտեսություն ենթածրագրի ենթակառուցվածք բաղադրիչի «Ոռոգման կառավարման կազմակերպությունների կարողությունների ամրապնդում» խորհրդատվական ծառայությունների ձեռքբերման մրցույթի վերաբերյալ «Հազարամյակի մարտահրավեր» կորպորացիայի առարկության նամակը և առաջարկությունները:
Օրակարգի այլ հարցերի թվում, «ՀՄՀ-Հայաստան» ՊՈԱԿ-ի գործադիր տնօրեն Արա Հովսեփյանը խորհրդի անդամներին տեղեկացրել է, որ «Հազարամյակի մարտահրավեր» հիմնադրամ-Հայաստան ծրագրի «Ոռոգվող գյուղատնտեսություն» ենթածրագրի ենթակառուցվածք բաղադրիչի շրջանակներում նախատեսվում է խորհրդատվական ծառայությունների ձեռքբերում` Արարատյան հարթավայրի դրենաժային համակարգի վերականգնման նախագծման և շինարարության վերահսկման աշխատանքների իրականացման համար: Հիշյալ առաջադրանքներն իրականացնելու համար առաջարկվում է հայտարարության միջոցով ծանուցել համապատասխան փորձ ունեցող ընդունելի խորհրդատուներին, որպեսզի նրանք հայտնեն իրենց հետաքրքրությունը:
Նիստում նաև տեղեկանք է ներկայացվել «Հազարամյակի մարտահրավեր» հիմնադրամ-Հայաստան» ՊՈԱԿ-ի կառավարման խորհրդի կողմից 2008թ. փետրվարի 7-ին և մարտի 12-ին հաստատված գնումների պլանում տեղ գտած փոփոխությունների մասին:
