երկուշաբթի, 7 ապրիլի 2008
ՀՀ նորընտիր նախագահ, ՀՀ վարչապետ Սերժ Սարգսյանը շնորհավորական ուղերձ է հղել Մայրության և գեղեցկության տոնի կապակցությամբ, որում, մասնավորապես, ասված է.
«Սիրելի կանայք, շնորհավորում եմ ձեզ մայրության և գեղեցկության տոնի առթիվ:
Այս օրն այն խորհրդանշական առիթներից է, երբ մեզանից յուրաքանչյուրը ցանկանում է րոպե առաջ սիրո, գնահատանքի ու երախտագիտության ջերմ խոսքեր ուղղել մեր մայրերին ու կանանց. մեր մայրերին, ովքեր մեզանում սերմանել են գեղեցիկի ու բարու առողջ ծիլերը, մեր կանանց, ովքեր մեր սերունդներին են փոխանցում ընտանիքն ու հայրենիքը սիրելու զգացմունքն ու հավատարմությունը` մեր ազգային ավանդույթներին:
Գարնանային այս գեղեցիկ տոնին մաղթում եմ ձեզ երջանկություն, առողջություն, սեր ու նորանոր հաջողություններ»:
