հինգշաբթի, 10 ապրիլի 2008
ՀՀ վարչապետ նշանակվելու կապակցությամբ, Տիգրան Սարգսյանին շնորհավորել է Լեռնային Ղարաբաղի Հանրապետության վարչապետ Արա Հարությունյանը: Շնորհավորական ուղերձում, մասնավորապես, ասված է.
«Մեծարգո Տիգրան Սուրենի,
Ի սրտե և ուրախությամբ շնորհավորում եմ Ձեզ` ՀՀ վարչապետի պաշտոնում նշանակվելու առթիվ։ Ճանաչելով Ձեզ որպես ֆինանսատնտեսական ասպարեզի հմուտ և հեղինակավոր գործչի՝ լիահույս եմ, որ Ձեր ղեկավարությամբ ՀՀ կառավարությունը առաջիկա տարիներին կծավալի բավական արդյունավետ գործունեություն, լուծումներ կգտնի այն հիմնախնդիրներին, որ նախանշված են ՀՀ նախագահ Սերժ Սարգսյանի նախընտրական ծրագրում։ Անկասկած, Ձեր բանիմացությունն ու նախանձախնդրությունը լավագույն խթան կլինեն Հայաստանի սոցիալ-տնտեսական արագ զարգացման համար։
Վստահ եմ, որ Դուք մեծ ու գնահատելի ներդրում կունենաք ՀՀ և ԼՂՀ կապերի ու համագործակցության հետագա խորացման գործում, Ձեր նշանակալի դերակատարությունը կապահովեք՝ ի պաշտպանություն հայ ժողովրդի ընդհանրական շահերի։
Ձեզ արգասավոր գործունեություն եմ մաղթում։ Քաջառողջություն, տոկունություն և լավատեսություն Ձեզ»։
