երկուշաբթի, 26 օգոստոսի 2002
Այսօր ՀՀ կառավարության արտահերթ նիստում, որը վարել է ՀՀ վարչապետ Անդրանիկ Մարգարյանը, քննարկվել է «Հայաստանի էլեկտրական ցանցեր» ՓԲԸ-ի մասնավորեցման մասին որոշման նախագիծը: Այն ներկայացրել է ՀՀ արդարադատության նախարար Դավիթ Հարությունյանը կառավարության անդամների համար մանրամասնելով մասնավորեցման մրցույթի բանակցությունների արդյունքում պայմանագրում տեղ գտած փոփոխությունները: Նիստում կառավարությունը հաստատել է «Հայաստանի էլեկտրական ցանցեր» ՓԲԸ-ի մասնավորեցման մրցութային հանձնաժողովի որոշումը MIDLAND RESOURCES HOLDING LTD ընկերությանը «Հայաստանի էլեկտրական ցանցեր» ՓԲԸ-ի մասնավորեցման մրցույթում հաղթող ճանաչելու մասին: Հաստատվել է նաև ՀՀ կառավարության և հիշյալ ընկերության միջև կնքվող «Հայաստանի էլեկտրական ցանցեր» ՓԲԸ-ի «Բաժնետոմսերի գնման պայմանագիրը»: Կառավարությունը ՀՀ-ի անունից բաժնետոմսերի գնման պայմանագիրը ստորագրելու համար, լիազորել է ՀՀ էներգետիկայի նախարար Արմեն Մովսիսյանին, ֆինանսների և էկոնոմիկայի նախարար Վարդան Խաչատրյանին, պետական գույքի կառավարման նախարար Դավիթ Վարդանյանին և արդարադատության նախարար Դավիթ Հարությունյանին:
