ուրբաթ, 11 հոկտեմբերի 2002
Հոկտեմբերի 11-ին տեղի ունեցավ ՀՀ կառավարության մարդասիրական օգնության կենտրոնական հանձնաժողովի հերթական նիստը, որը վարեց հանձնաժողովի նախագահ Վ.Մովսիսյանը:
Հանձնաժողովը քննարկեց 2002-2004 թվականների ընթացքում իրականացվող 4 երկարաժամկետ և 2 կարճաժամկետ բարեգործական ծրագիր: Մասնավորապես` նիստում քննարկվեց և հաստատվեց ԱՄՆ-ի «Վերջին օրերի սրբերի բարեգործական կորպորացիաի» հայաստանյան ներկայա֊ցուցչության կողմից իրականացվող «Օգնություն սոցիալապես անապահով ընտանիք֊ներին» ծրագիրը, որի նպատակն է աջակցել Հայաստանի Հանրապետության համայնքներին, բուժհիմնարկներին, դպրոցներին` տրամա֊դրելով բուժսարքավորումներ, բժշկական պարագաներ, դպրոցական պիտույքներ, հագուստ և առաջին անհրաժեշտության այլ ապրանքներ:
Հաստատվեց «Արտաշատ» բարեգործական հիմնադրամի կողմից իրականացվող «Սուրբ Հովհաննես» եկեղեցու շինարարության ծրագիրը, որի նպատակը Արտաշատի հա֊մայնքի Հայ Առաքելական եկեղեցու հավատացյալների համար հոգևոր օջախի ստեղծումն է:
Հաստատվեց Ամերիկայի «Հայ օգնության ֆոնդ» բարեգործական կազմակերպության Հայաստանի մասնաճյուղի կողմից իրականացվող Երևանի Կոմիտասի անվան պետական կոնսերվատորիայի գրադարանի վերանորոգման ծրագիրը:
Հանձնաժողովը քննարկեց և հաստատեց «ԿԱԶԱ» շվեյցարական մարդասիրական հիմնադրամի կողմից իրականացվող Երևանի N 22 մասնագիտական տեխնիկական ուսումնարանի մասնակի վերակառուցման և կահավորման լրացուցիչ աշխատանքների ծրագիրը, որի նպատակը ուսումնարանի ճաշարա֊նային մասնաշենքի անմխիթար վիճակում գտնվող տանիքի վերա֊նորոգումն է:
Քննարկվեց և հաստատվեց «Փոքրիկ և պատանի երկրապահ» բարեգործական հիմնադրամի կողմից իրականացվող «Ապագա զինվոր» ծրագիր, որի նպատակն է դպրոցահասակ երեխաներին ռազմահայրենասիրական կրթություն և դաստիարակություն տալ ու նրանց ապահովել անվճար դասագրքերով, գրենական պիտույքներով և ցուցաբերել անվճար բուժօգնություն:
Նիստում քննարկվեցին նաև առանձին բարեգործական ու հասարակական կազմակերպությունների հասցեով ուղարկված բարեգործական բեռների ներմուծման ու բաշխման և այլ հարցեր:
