ուրբաթ, 18 հուլիսի 2008
Այսօր տեղի է ունեցել ՀՀ կառավարության բարեգործական ծրագրերի համակարգման հանձնաժողովի հերթական նիստը, որը վարել է հանձնաժողովի նախագահ Սիմոն Տեր-Սիմոնյանը:
Հանձնաժողովը քննարկել է 8 բարեգործական ծրագիր: Մասնավորապես, քննարկվել և հաստատվել են` «Հայաստան» համահայկական հիմնադրամի կողմից իրականացվող` «ՀՀ Տավուշի մարզի Խաշթառակ գյուղի միջնակարգ դպրոցի հիմնանորոգում», «ՀՀ Կոտայքի մարզի Ծաղկաձորի N 4 ճոպանուղուն հարող դահուկուղու կառուցման աշխատանքների իրականացում» և «Երևանի հրաձգության մանկապատանեկան մարզադպրոց» ՊՈԱԿ-ի մարզադահլիճի օդորակում, ջեռուցում և գազաֆիկացում» ծրագրերը, Մայր Աթոռ Սուրբ Էջմիածնի կողմից իրականացվող «Մայր Աթոռ Սուրբ Էջմիածնի` Գեղարքունիքի մարզի Ս—ան քաղաքի եկեղեցու կառուցում», ինչպես նաև «Վորլդ Վիժն Ինտերնեյշնլ» միջազգային բարեգործական կազմակերպության կողմից իրականացվող «Սյունիքի մարզի Կապան քաղաքի Երկաթուղայիններ թաղամասում խաղասենյակի կառուցում» ծրագրերը:
Նիստում քննարկվել է նաև «Հայկական Հաբիթաթ» բարեգործական հասարական կազմակերպության կողմից իրականացվող «Կառուցեք, տուն, համայնք, հայրենիք» ծրագիրը, որի նպատակն է աջակցել տնազուրկ և կարիքավոր ընտանիքներին, հարմարավետ ու մատչելի կացարանների կառուցման և վերանորոգման գործում, ինչպես նաև ԱՄՆ-ի «Հայ կրթական հիմնարկություն» Հայաստանի մասնաճյուղի կողմից իրականացող` «ՀՀ Լոռու մարզի Դեբեդ գյուղի դպրոցի վերանորոգում» ծրագիրը:
Հաստատվել է Հունաստանի «Տարածքային զարգացման և ինքնակառավարման» գործակալության կողմից իրականացվող ծրագիրը ևս, որի նպատակն է Լոռու մարզի Ջիլիզա համայնքի համար 6 կվ էլեկտրահաղորդման գծի 9.5 կմ հատվածի կառուցումը:
Նիստում քննարկվել և հաստատվել են նաև նախկինում հաստատված ծրագրերի շրջանակներում իրականացվող հարակից գործարքներ և տարբեր կազմակերպությունների հասցեներով ուղարկված բարեգործական բեռների ներմուծման ծրագրեր:
