ուրբաթ, 8 նոյեմբերի 2002
Նոյեմբերի 8-ին տեղի ունեցավ ՀՀ կառավարության մարդասիրական օգնության կենտրոնական հանձնաժողովի հերթական նիստը, որը վարում էր հանձնաժողովի նախագահ Վ.Մովսիսյանը։
Հանձնաժողովը քննարկեց 2002-2004 թթ. ընթացքում իրականացվող 4 երկրաժամկետ և 2 կարճաժամկետ բարեգործական ծրագիր։ Մասնովորապես քննարկվեց և հաստատվեց փախստականների հարցերով նորվեգական խորհրդի հայաստանյան մասնաճյուղի կողմից 2002-2003 թթ.-ին Շիրակի մարզի փախստականների կենսական պայմանների բարելավման ծրագիրը, որի նպատական է ՀՀ Շիրակի մարզի վագոն-տնակներում բնակվող շուրջ 34 ընտանիքներին ապահովել բնակարաններով։
Հաստատվեց ՄԱԿ-ի Փախստականների գերագույն հանձնակատարի հայաստանյան գրասենյակի կողմից իրականացվող «Օպտիկական ակնոցներ-2002» ծրագիրը, որի նպատակն է Հայաստանի Հանրապետության մարզերի և Երևան քաղաքի ժամանակավոր կացարաններում ապրող սոցիալապես անապահով փախստականների կարգավիճակ ունեցող անձանց և ՀՀ քաղաքացիություն ընդունած փախստականների հատկացնել օպտիկական ակնոցներ և ակնոցների շրջանակներ։
Քննարկվեց և հաստատվեց Ամերիկայի Հայ ավետարանչական ընկերակցության Հայաստանի մասնաճյուղի կողմից իրականացվող «Ամառային ճամբարի ձեռքբերում, վերանորոգում և կահավորում» ծրագիրը, որի նպատակն է կարիքավոր երեխաների և պատանիների ամառային հանգստի կազմակերպումը։
Հաստատվեց «Արտակարգ իրավիճակների և աղետների հետ—անքները վերացնելու միջազգային հասարակական հիմնադրամի ֆրանսիական գրասենյակի» հայաստանյան մասնաճյուղի կողմից իրականացվող «Ապահով ձմեռ» ծրագիրը, որի նպատական է ձմեռային սեզոնին վառելիքով ապահովել սոցիալապես անապահով ըատանիքներին, Հայաստանի ցուրտ շրջանների դպրոցները, մանկապարտեզներն ու զորամասերը։
Հանձնաժողովը քննարկեց և հաստատեց «Հիկ-Պլյուս» հիմնադրամի կողմից իրականացվող «Օժանդակություն հաշմանդամների ընտանիքներին» ծրագիրը, որի նպատակն է հաշմանդամների, զգայական օրգաններից մասնակի կամ լրիվ զրկվածների և նրանց ընտանիքների սոցիալական պայմանների բարելավումը։
Նիստում քննարկվեցին նաև առանձին բարեգործական ու հասարակական կազմակերպությունների հասցեով ուղարկված բարեգործական բեռների ներմուծման ու բաշխման այլ հարցեր։
